Aron mapalambo ang ilang teknikal nga kahanas ug kahimtamg sa panginabuhi, ang tulo (3) ka Persons Deprived of Liberty (PDL) nga nag-enrol sa Alternative Learning System (ALS) – Senior High School program sa Dipolog City Jail Female Dormitory mitambong sa usa ka hands-on training kabahin sa electrical wiring nga gipangulohan sa ilang ALS teacher.
Ang maong praktikal nga pagbansay nagtumong sa paghatag ug teknikal nga kahibalo nga makatabang sa PDLs sa pagpalambo sa ilang abilidad, ilabi na sa pagpanarbaho ug pagbalik sa komunidad sa panahon nga sila pagagawason. Gilauman nga pinaagi sa makaugmadong training, mas mapalambo ang ilang kasaligan ug kahimtang sa panginabuhi.
Padayon usab ang suporta sa Bureau of Jail Management and Penology (BJMP) sa pagpasiugda sa edukasyon, pangkabuhian, ug personal nga kalamboan pinaagi sa ilang Welfare and Development Programs, nga nagtinguha sa paghatag og ikaduhang higayon sa mga PDL aron magtukod og mas maayong kaugmaon.(IKEN B. GULLEM)
Source: Bjmp Dipolog CityJail FemaleDorm