Balhog karon sa prisohan ang 3 ka indibidwal homan masapon sa mga tinugyanan sa balaod sa gihimong joint law enforcement operation sa Quezon Avenue, Brgy. Miputak, ning dakbayan sa Dipolog pasado alas 3:00 ang takna sa hapon niadtong Abril 15, 2025.
Ang mga nasikop naila nga sila si Claudia Benagles Sumiwan, Virgilia Sumiwan Gumikib, ug Norma Benagles Sumiwan Gumikib, tungod sa kasong Qualified Theft of Coconuts nga naka-docket ubos sa criminal case no. 27940.
Ang pagkasikop gihimo pinaagi sa Roxas MPS kauban ang mga personahe sa 1st ZNPMCC, ZNPIU, ug Dipolog CPS pinasikad sa warrant of arrest nga gi-isyu ni Hon. Victoriano Dionglay Lacaya, Presiding Judge, RTC, 9th Judicial Region, Dipolog City, Zamboanga Del Norte pinetsahan Abril 12, 2025 nga adunay piyansa nga girekomendar nga mokabat sa Php 40,000.00 matag usa alang sa ilang temporaryong kagawasan.
Ang mga dinakpan gipahibalo sa ilang mga katungod sa konstitusyon pareho sa Miranda Warning ug Anti-Torture Law ug anaa na sila sa kustodiya sa Roxas MPS alang sa tukmang disposisyon(Medalyn U. Borja)
Source: ZNPPO