Arestado ang 3 ka mga lalaki sa gipahigayong Seaborne Patrol Operation nga gipahigayon sa mga personahe sa Rizal Municipal Police Station kauban ang mga personahe sa Bantay Dagat, didto Brgy. Nangca, Rizal Zamboanga del Norte mga 12:05 sa kadlawon, niadtong Marso 5,2024.
Ang maong operasyon miresulta sa pagkasikop sa 3 ka mga lalaki, kinsa nangisda sa kadagatan nga walay igong permit, nga naglapas sa Article 3, Section 3 and Section 20 of Municipal Ordinance 2014-05 o kon Illegal Fishing.
Atol sa maong operasyon nakompiska gikan sa mga dinakpan ang usa ka modernized banca, kapin o kulang 120 meters nga plastic hose, usa ka compressor engine, usa ka improvised flashlight, ug usa ka improvised LPG tank.
Ang mga nakumpiska nga mga fishing paraphernalia adunay gibana-bana nga mubalor sa P60, 000 ka pesos, ug kini gidala sa hingtungdan sa Bantay Dagat Outpost diin ang mga dinakpan giisyuhan sa ilang citation ticket isip penalty ug posible kining makagawas pinaagi sa pagbayad sa nahisgotang penalty ngadto sa buhatan sa Rizal Municipal Treasurer’s Office. (Medalyn U. Borja)
(Source: PCADU | ZNPPO)
