Mas napalalom ang kahibalo sa mga lokal nga kawani sa estadistika ug pag-analisa sa datos human sa tulo ka adlaw nga pagbansay nga gipahigayon sa Philippine Statistics Authority (PSA)–Zamboanga del Norte.
Gidumala ang Community-Based Monitoring System (CBMS) Basic Statistics Training gikan Pebrero 25 hangtod 27 sa usa ka hotel dinhi sa siyudad, ug gitambongan sa mga representante sa Provincial Planning and Development Office (PPDO) ug sa nagkalain-laing mga siyudad ug lungsod sa probinsya.
Kini nga kalihokan gilaraw aron mapalig-on ang kapasidad sa mga Local Government Units (LGUs) sa paggamit sa datos alang sa epektibong pagplano sa kalamboan ug paghimo og mga polisiya nga nakabase sa tinuod nga kahimtang sa katawhan. Lakip sa gipasiugda ang hustong pagreport sa datos ug ang pag-aplikar sa batakang estadistika sa lokal nga pangagamhanan.
Samtang angpagbansay gipasukad sa Republic Act No. 11315 o ang CBMS Act, nga nagmando sa PSA sa pagpalambo sa kapasidad sa mga siyudad ug lungsod sa paghimo, pag-analisa, ug paggamit sa lokal nga datos aron suportahan ang development planning ug policy formulation.(IKEN B. GULLEM)
Source: Zamboanga del Norte Provincial News Network