Dakpan sa kapulisan ang usa 64 anyos nga lalaking senior citizen, tungod sa kasong pag-supak sa section 5 (A) sa Republic Act 9262 ( Anti-Violence Against Women and Their Children Act), pinaagi sa gipahigayon nga Joint Law Enforcement Operation, pinaagi sa pagpanguna sa mga personahe sa Jose Dalman Municipal Police Station, didto sa Barangay Poblacion North, Lungsod sa Polanco, ning Probinsiya sa Zamboanga Del Norte, niadtong naka-labay’ng adlaw, Agusto 05, 2025, sa may 1:53 sa hapon.
Giila sa Jose Dalman Pnp ang dinakpan sa alyas nga Edwin, 64 anyos nga Lalaking minyo, usa ka Mananagat nga Lumolupyo sa Barangay Publacion, Lungsod sa Jose Dalman ning maong Probinsiya, diin matud pa, nga ang maong Suspect gisikop pina-sikad sa Warrant of Arrest sa Krimen nga pagsupak sa Republic Act 9262, ubos sa Criminal Case Number S-4142, nga giisyu ni Mundlyn Geonzon Misal-Martin, nga maoy Presiding Judge sa Family Court, 9th Judicial Region, Sindangan, Zamboanga Del Norte, penitsahan og Hulyo 24, 2025.
Hinuon gitugotan sa korte nga maka piyansa ang dinakpan sa kantidad nga Php12,000.00, bugti na sa iyang temporaryong kagawasan, samtang ang nasangpit nga Suspetsado, atua na temporaryong naka-kustodiya sa Jose Dalman Municipal Police Station, alang na sa Legal Dokumentasyon ug alang na usab sa tukmang Disposasyon.(Julius Esmade)
Source: ZNPPO