Gisusi ug gi-assess sa Zamboanga del Norte 2nd Provincial Mobile Force Company (ZN 2nd PMFC) ang kahimtang ug pagpadayon sa livelihood project nga gitabang sa R-PSB ngadto sa Makinaryas Alsa Masa Farmers Association sa Barangay Bunawan, Godod.
Gipangulohan ni Pat Ahman Khan Macam, R-PSB Focal Person, ubos sa pagdumala ni PLTCOL Edwin D. Verzon, Force Commander, ang assessment uban sa Field Project Evaluator gikan sa Department of Labor and Employment (DOLE).
Pangunang tumong sa kalihokan ang pagsusi kung epektibong gigamit sa mga benepisyaryo ang livelihood assistance, lakip ang pagtan-aw sa progreso sa proyekto ug mga kalisdanan nga ilang nasinati.
Pinaagi sa assessment, gitumong usab nga mailhan ang mga kinahanglanon nga intervention aron mapadayon, mapalambo, ug mas mapalig-on ang panginabuhian sa mga benepisyaryo.
Ang maong inisyatiba nagpakita sa padayong pagmonitor sa mga livelihood assistance aron masiguro nga kini magamit sa hustong paagi ug makahatag og malungtarong benepisyo sa mga benepisyaryo.(IKEN B. GULLEM)
Source: PNP Zamboanga del Norte 2nd Provincial Mobile Force Company