Sikop ang 3 ka indibidwal sa gipahigayon nga hiniusang anti-illegal gambling operation sa mga personahe sa Siocon Municipal Police Station, sa koordinasyon sa 905th RMFB9 ubos sa superbisyon sa Officer-in-Charge sa Siocon MPS, mga alas 9:10 ang takna sa kagabhion,Abril 13,2025 didto sa Barangay Pisawak, Siocon, Zamboanga del Norte.
Ang mga dinakpan nagpangidaron ug 36 anyos lalaki,mag-uuma, usa ka 29 anyos lalaki , construction worker ug laing 42 anyos nga babaye, pulos residente sa nasangpit nga Barangay kinsa nasikop tungod sa ilegal nga sugal nga “Tong-its,” nga supak sa Presidential Decree 1602.
Narekober gikan sa lugar ang usa ka set sa playing cards ug bet money sa lain-laing denominasyon nga mokabat sa kinatibuk-an nga Php 570.00.
Ang mga dinakpan anaa karon sa kustodiya sa Siocon Municipal Police Station alang sa tukmang dokumentasyon ug legal nga pagproseso.(Medalyn U. Borja)
Source: ZNPPO