Arestado ang usa ka Top 1 Most Wanted Person nga nag atubang sa kasong Murder atol sa gikasa nga law enforcement operation sa mga personahe sa Manukan Municipal Police Station,mga alas 3:45 ang takna sa hapon niadtong Nobyembre 2,2025 didto sa Barangay Villaramos, Manukan, Zamboanga del Norte.
Ang maong dinakpan nga wanted person naila nga usa ka 61 anyos nga lalaki, Filipino, minyo, mag-uuma, ug residente sa Barangay Dipane, Manukan, Zamboanga del Norte kinsa gi-aresto tungod sa krimen nga Attempted Murder ubos sa Article 248 sa Revised Penal Code.
Ang warrant giisyu ubos sa Criminal Case No. 28348 ni Hon. Felin Revelo-Legara Comidoy, Acting Presiding Judge sa Regional Trial Court, 9th Judicial Region, Branch 9, Dipolog City, pinetsahan og Oktubre 24, 2025, nga adunay girekomendar nga piyansa nga P120,000.00.
Ang dinakpan nga wanted person gipahibalo sa iyang mga katungod sa konstitusyon, lakip ang iyang mga katungod sa Miranda ug Anti-Torture Warning Law, ug anaa na sa kustodiya sa Manukan Municipal Police Station alang sa tukmang disposisyon.(MEDALYN U. BORJA)
Source: ZNPPO