Wala na makaiskapo sa kamot sa mga tinugyanan sa balaod homan msikop ang usa ka 26 anyos nga Newly identified street level individual atol sa gikasa nga drug buy-bust operation sa Brgy. Turno, ning dakbayan sa Dipolog, mga alas 3:10 ang takna sa kadlawon niadtong Pebrero 4, 2026.
Naila ang dinakpan sa suspek nga usa ka lalaki, 26 anyos, ulitawo, walay trabaho, ug residente sa Baybay Galas, Dipolog City, Zamboanga del Norte.
Ang pagkadakop sa suspek gihimo sa mga personahe sa Dipolog City Police Station, uban sa koordinasyon sa Zamboanga del Norte Police Drug Enforcement Unit (Lead Unit), 5th Special Operations Unit, PNP Maritime Group, Zamboanga del Norte Maritime Police Station, ug 901st Maneuver Company, Regional Mobile Force Battalion 9.
Atol sa operasyon, nakumpiska gikan sa suspek mao ang mga heat-sealed transparent plastic sachet nga adunay sulod sa gituohang shabu, P500.00 nga gigamit isip buy-bust money,Duha ka unit sa smartphones,Usa ka piraso sa brown nga papel nga gigamit isip sudlanan sa nasangpit nga drugas.
Ang nakumpiska nga gidudahang ilegal nga droga adunay kinatibuk-ang gibug-aton nga 3 ka gramos, nga adunay gibanabana nga kantidad na balor sa P20,400.00.
Ang nakumpiska drugas itugyan ngadto sa Zamboanga del Norte Provincial Forensic Unit alang sa inisyal nga pagtimbang ug laboratory examination.
Samtang ang dinakpan ipaubos sa drug testing ug dayon dad-on sa Dipolog City Police Station alang sa detensyon ug hustong disposisyon alang sa paglapas sa Republic Act No. 9165.(MEDALYN U. BORJA)
Source: Dipolog CPS