Dakpan ang duha ka bag-ong nailhan nga Street level individual atol sa gihimo nga buy-bust operation sa mga personahe sa Kampanya Kontra-Ilegal nga Droga Pinaagi sa Buy-Bust Operation sa Dipolog City Police Station, uban sa koordinasyon sa ZNPDEU(Lead Unit), ang 5th Special Operations Unit, PNP Maritime Group, ang Zamboanga del Norte Maritime Police Station, ug 901st Maneuver Company,RMFB 9,mga ala 1:50 ang takna sa kadlawon niadtong Pebrero 4,2026, didto sa Brgy. Estaka, Dipolog City, Zamboanga del Norte.
Naila ang mga dinakpan nga si alyas “Larpe”48 anyos,lalaki,ulitawo, walay trabaho ug residente sa Brgy. Estaka, Dipolog City ug si alyas “Recmar” 34 anyos, lalaki, ulitawo, Job Order employee sa Sangguniang Panlalawigan sa Zamboanga del Norte ug residente sa Gulayon, Dipolog City, Zamboanga del Norte.
Nakumpiska gikan possession ug control sa nasangpit mao ang nagdaiyang heat sealed transparent plastic sachet nga dunay sulod nga gituohang shabu,P500.00 nga gigamit isip buy-bust money,Duha ka yunit sa smartphones,Usa ka itom nga pitaka ug Usa ka piraso nga transparent nga plastik nga sachet nga gigamit isip sudlanan sa nasampit nga drugas.
Ang nakumpiska nga gidudahang ilegal nga droga adunay kinatibuk-ang gibug-aton nga 3 gramos, nga adunay gibanabana nga kantidad nga P20,400.00.
Ang mga nakumpiska nga ilegal na droga gitugyan ngadto sa Zamboanga del Norte Provincial Forensic Unit alang sa inisyal nga pagtimbang ug laboratory examination.
Samtang ang mga dinakpan ipaubos sa drug testing ug dayon dad-on sa Dipolog City Police Station alang sa hustong disposisyon alang sa kasong paglapas sa Republic Act No. 9165.(MEDALYN U. BORJA)
Source: Dipolog CPS