Nagmabulokon ang bag-o lang nga napatigayon nga Malindang Run 2, nga gisalmotan sa 250 ka mga Runners gikan sa pribado nga sektor ug mga individual gikan sa laing dapit ang naki usa sa aktibidad dungan sa pag saulog sa adlawng natawhan sa Presidente sa Mt. Malindang Cross Border Tourism, niadtong Agusto 10 ning tuig, nga gipahigayon didto sa Brgy. Tuburan Sergio Osmeña, ning lalawigan sa Zambonga del Norte.
Ang maong aktibidad ubos sa pagpangulo ni Atty. Orlando “Jun” Salatandre, Mt. Malindang Cross Border Tourism President; kauban ni Mr. Bong Bomediano sa Gantao Hills, Mt. Malindang Cross Border Tourism, Mt. Malindang Cross Border Tourism Organizing Team pinaagi ni Sheng Jumalon Bala, mga personahe sa 97th IB, mga personahe sa PNP 9 ug sa espesyal nga partisipasyon sa inila nga PBA Legend Alvin Patrimonio.
Giluwatan sa aktibidad mao ang 10KM Fun Run, diin 250 ka mga Runners nahimong dumadaog sa maong aktibidad ilawom sa mga kategorya nga mao ang Male and Female 40 Up Category ug Male and Female 39 below Category.
Sa MALE 40 Up Category nahimong 1st Runner Up mao si Alvin Cabading gikan sa Zamboanga Sibugay; 2nd Runner Up Jarl Homine sa Norway; 3rd Runner Up mao si Arnold Unabia sa Tangub City.
Sa FEMALE 40 UP Category nahimong Champion mao si Bing Sosmena; 1st Runner Up Lanie Enriquez, ZANDIDAP Runner; 2nd Runner Up Pamela Silva, PNP ZNPPO.
Sa MALE 39 BELOW Category nahimong Champion mao si Pedjie Miñoza, Labason Team; 1st Runner Up Mark Sacopayo, ENOURO Runners of Pagadian; 2nd Runner Up Tyron Villanos.
Sa FEMALE 39 BELOW Category nahimong Champion mao si Roshel Batal, ZANDIDAP Runner; 1st Runner Up Rashel Batal, ZANDIDAP Runner; 2nd Runner Up mao si Kim Asister.
Ang mga mananaog adunay ganti nga madawat alang sa MALE and FEMALE 39 BELOW Category:
Champion P5,000,1st Runner Up P3, 000, ug P2,000 alang sa 2nd Runner Up.
Sa MALE and FEMALE 40 Up Category:
Champion P3,000, 1st Runner Up P2, 000 ug P1, 000 alang sa 2nd Runner Up.
Sa pagpapadayon sa programa ang mga dinapit nga bisita nipadayag sa ilang tagsa-tagsa ka mga mensahe, pagpasalamat sa paghatag kanilag kahigayon nga maki-usa sa maong kalihokan.
Si PBA Legend Alvin Patrimonio, nipaambit sa iyang pasalamat ngadto kang Atty. Jun Salatandre nga usa matod pa niya nga higala, ug siya nagpasalamat sa paghatag ka niya ug kahigayonan nga maka bisita ug pagdala ka niya sa usa sa mga atraksyon nga lugar sa Sergio Osmeña ug nipakita sa iyang suporta sa pagpalambo sa turismo sa Sergio Osmeña.
Sa katapusang bahin sa programa, Si Atty. Jun Salatandre, magpasalamaton ug dako ngadto sa mga ni partisipar, ni koordenar, ug nisalmot sa maong kalihokan nga nahimong malampuson, sa tabang sa mga mga indibidwal nga nakighiusa,uban sa mga sakop sa Media, mga personahe sa buhatan sa Turismo nga niabag sa maong programa ug nagdasig sa tagsa-tagsa alang sa maluntarong kalamboan ug suporta sa Turismo sa Zamboanga del Norte. (Medalyn U. Borja)