Paslak na sa prisohan ang usa ka 25 anyos nga Lalaki, tungod sa kasong Qualified Thift of Coconut kon pagpangawat og Lubi, pinaagi sa gipahigayon nga Joint Law Enforcement Operation, nga gipangunahan sa mga personahe sa Dapitan City Police Station, didto sa Barangay Banbanan, dakbayan sa Dapitan, niadtong nakalabay’ng adlaw Hulyo 21, 2025 sa may alas 10:30 sa buntag.
Giila sa Dapitan Pnp ang dinakpan sa alyas nga Angelo, lalaking pagka-mananagat ang panginabuhi-an, nga lumolupyo ra usab sa nasangpit nga lugar, diin kini gisikop pinasikad sa Warrant of Arrest sa krimen nga Qualified Theft of Coconut, nga naka doket ubos sa Criminal Case Number 26254, nga giisyo ni Nestor Rabulan Angeles ang Acting Presiding Judge sa RTC Branch 8 Dipolog City, Zamboanga Del Norte, penitsahan og Marso 14, 2023.
Hinuon gitogutan sa korte nga makaangkon og temporaryong kagawasan ang dinakpan kon iyang matunol ngadto sa korte ang kantidad nga Php10,000.00 isip pyansa niini. Sa pagka karon ang suspetsado temporaryo ng naka detiner sa Dapitan City Custodial Facility alang na sa tukmang disposasyon.(Julius Esmade)
Source: DAPITAN CPS