Nakapahimulos ang 2,305 ka pamilya sa Dapitan City sa Benteng Bigas Program human ma-apod-apod ang 461 ka sako nga bugas sa pinakabag-ong distribusyon sa programa.
Sumala sa lokal nga panggamhanan, ang mga benepisyaryo gikan sa mga barangay Aseniero, Opao, Masidlakon, Dampalan, Potungan, ug San Nicolas, diin matag pamilya gitugotan sa pagpalit og 10 kilos nga bugas aron mas daghang panimalay ang matabangan.
Tumong niini sa paghatag og barato ug de-kalidad nga bugas ngadto sa mga residente, ilabina sa panahon nga nagkataas ang presyo sa mga batakang palaliton.
Pinaagi sa panagtinabangay sa liderato nila Darel Dexter T. Uy, Roberto “Pinpin” T. Uy, ug Evelyn “Belen” T. Uy, nga nagpadayon sa pagpalig-on sa mga inisyatiba nga makatabang sa panginabuhi sa katawhan, nahimo kining malampuson.(IKEN B. GULLEM)
Source: City Government of Dapitan