Gipatuman sa Salug District Jail ang usa ka mubo nga lecture sa Basic Photography isip kabahin sa ilang padayong Personnel Information and Education program, ubos sa pagpanguna ni JCINSP Samuel A Nasiad, Jail Warden.
Ang lecture mipunting sa Rule of Thirds ug uban pang sukaranang prinsipyo sa hustong framing, komposisyon, ug visual balance aron mapauswag ang dokumentasyon ug photo reporting sa mga kalihokan sa prisuhan ug pasilidad. Gipasiugdahan ang sesyon ni JO1 Rimarc Valencia, Unit Community Relations Service Officer, ug gitambongan sa tanang personnel sa yunit.
Pinaagi niini nga kalihokan, gipalig-on sa Salug District Jail ang abilidad sa ilang personnel sa pagkuha og klaro, hapsay, ug pang-balita nga mga litrato nga magamit sa opisyal nga pagreport ug pagpakaylap sa impormasyon.(JENIFFER JR. DELICA)
Source: Salug District Jail- BJMPR9