Gipahigayon kagahapong adlawa, Pebrero 2, sa Dakbayan sa Dipolog ang 2026 Provincial Rounds isip kabahin sa mga kalihokan sa Department of Trade and Industry (DTI) aron mapalig-on ang koordinasyon ug pagpatuman sa mga programa sa lalawigan.
Gipangulohan ang maong kalihokan ni Regional Director Al-Zamir I. Lipae, uban ni Assistant Regional Director Maridel D. Dengal ug Zamboanga del Norte Provincial Director Estrella Roda, kauban ang mga kawani sa DTI IX Regional Office ug DTI–ZDN.
Tumong sa Provincial Rounds ang pagpalig-on sa panagtinabangay tali sa Regional ug Provincial Offices, pagsusi sa nagpadayong mga programa ug proyekto, ug paghisgot sa mga hinungdanong isyu aron mas mapaayo pa ang paghatod sa serbisyo sa lalawigan.
Samtang, giabi-abi ni RD Lipae ang Zamboanga del Norte isip unang host sa Provincial Rounds sa 2026. Iyang gipasiugda ang kahinungdanon sa panagtinabangay, accountability, ug padayon nga pag-uswag sa epektibong pagpatuman sa mga programa sa DTI.
Gihisgutan usab sa miting ang mga pinakabag-ong update, operasyonal nga mga butang, ug mga prayoridad nga kalihokan alang sa tuig 2026.(IKEN B. GULLEM)
Source: DTI R9