Mipahigayon og courtesy visit si Jail Chief Superintendent Amado A. Concepcion Jr., CESE, Regional Director sa Bureau of Jail Management and Penology (BJMP) Region IX, kauban sila JCINSP Jonathan N. Arawangsa, Warden sa Dipolog City Jail–Male Dormitory; JSINSP Rey C. Ballovar, Acting Warden sa Dapitan City Jail; ug JINSP Prima T. Magallanes, Acting Warden sa Dipolog City Jail–Female Dormitory, kang Gobernador Dexter Daryl Uy, kaniadtong Pebrero 9, 2026.
Ang pagbisita kabahin sa padayon nga paningkamot sa BJMP aron mapalig-on ang kolaborasyon ug panaghiusa tali sa ahensya ug lokal nga panggobyernong probinsyal.
Atol sa panaghimamat, gihisgutan ang mga isyu kabahin sa public safety, jail management, ug mas lig-on nga kooperasyon sa pagsiguro sa kaayohan, seguridad, ug rehabilitasyon sa mga persons deprived of liberty (PDLs).
Usa sa mga sentro nga topiko sa miting mao ang gitumong donasyon sa mga pasilidad ug armaments, nga gitan-aw isip dakong lakang sa pagpausbaw sa operational capabilities sa BJMP ug paghatag sa angay nga kahimanan sa ilang mga personnel.(IKEN B. GULLEM)
Source: BJMP Region IX Western Mindanao