Gisugdan na ang usa ka mabulukong kompestisyon, ang 2024 ZNAA QUALIFYING MEETN nga gipahigayon didto sa Sindangan, Zamboanga del Norte nga adunay Tema nga “Uniting Hearts Building Champions”.
Ang kompetisyon gisugdan niadtong Myerkules Enero 31 ug muluntad hangtod Pebrero 5, ning tuiga, sa Sindangan, Zamboanga del Norte.
Ang maong 2024 Zamboanga del Norte Atletic Asssociation (ZNAA) Qualifying Meet, gipangunahan ni Provincial Administrator Wilberth G. Magallanes ug inabagan ni Mr Roy C. Tuballa EMD, JD, CESO V Schools of Division Superintendent, nga mao ang ZNAA Banner.
Diin salmotan kini sa magkalain-laing matang sa mga atleta, trainor, coach, bisita, lakip ang mga ginikanan sa mga magdudula nga musalmot sa naasoy nga kompetisyon.
Atol sa maong programa,
Ang Gobernador sa Probinsya nga si Rosalina “Nanay Nene” G. Jalosjos nga isip maoy host sa mga athletes karong Pebrero 4, mipadayag sa iyang mensahe ug mipabati sa iyang kalipay sa hugtanong tabang ug supporta sa pagpalampos sa gikatahong 2024 ZNNA sa pakigtambayayong sa Provincial Administrator/PESO Manager Mr. Wilberth G. Magallanes.
Gitataw ni Nanay Nene ang kalipay sa mga atleta ug kahinam alang sa tagsa-tagsa nga delegasyon nga magsangka ug mag-ilog aron masukbit ang Kampeonato sa sports kompetisyon, nga paga salmotan sa mga atleta, kini gi isip nga usa ka bililhon nga leksyon ug pribilehiyo nga mahatag sa sports sa usa ka magdudula. (Medalyn U.Borja, RPN DXKD Correspondent)
(Source: Provincial Government of Zamboanga del Norte)