Samad sa wala nga bahin sa nawung ang nahiagoman sa usa ka 20 anyos nga ulitawo homan kini tigbasa sa usa ka 38 anyos nga lalaking suspek didto sa Sitio Gasa, Barangay Serongan, Manukan, Zamboanga del Norte,niadtong Abril 5, 2026.
Naila ang maong biktima nga usa ka 20 anyos ,lalaki ug mag uuma,samtang ang lalaking suspek naila nga usa ka 38 anyos ,lalaki ug residente sa nasangpit nga lugar.
Basi sa inisyal nga imbestigasyon sa kapulisan nasayran nga padulong na unta moani og tuba ang biktima dihang nasugatan niini ang suspek nga sa walay pagduha-duha, kalit nga gitigbas ang biktima sa nawong gamit ang hinagiban nga nailhang “lagaraw,” nga miresulta sa pagka samad sa wala nga bahin sa nawung sa biktima.
Tungod sa maong hitabo daling miresponde ang mga
personahe sa Manukan Municipal Police Station sa insidente ug gilayong gidala ang biktima sa Trifon Saille Memorial Hospital, Barangay Poblacion, Manukan, Zamboanga del Norte alang sa medikal nga pagtambal.
Samtang, ang suspek dali nga gidakop sa mga mirespondeng pulis ug nabawi ang hinagiban nga gigamit ug karon anaa na sa kustodiya sa Manukan Municipal Police Station.
Ang suspek mag-atubang og angay nga mga kaso ug gipailalom sa hustong imbestigasyon alang sa legal nga disposisyon.(MEDALYN U. BORJA)
Source: ZNPPO