Malampusong napahigayon ang duha ka adlaw nga workshop alang sa pagporma sa Gender and Development Plan and Budget (GADPB), GAD Accomplishment Report (GAD-AR), ug Harmonized Gender and Development Guidelines (HGDG) nga gipahigayon niadtong Marso 18 ug 19 ning kasamtangang tuig didto sa Hall 3, Capitol Building ning dakbayan sa Dipolog.
Ang maong kalihokan gihimo pinaagi sa panagtigom sa mga partisipante ug mga resource persons aron palig-onon ang pagplano ug pagtaho nga motubag sa gender.
Gihisgotan niini atol sa session ang importansya sa nasangpit nga workshop sama sa pagplano ug pagbadyet sa GAD, aplikasyon sa HGDG, ug pag-andam sa mga taho kabahin sa GAD ug ang kalampusan niini.
Tumong nga mapauswag ang kapasidad sa mga stakeholders pinaagi sa pag-integrate ug pagpatoman sa programa sa gender ug development principles ngadto sa lokal nga kagamhanan.(MEDALYN U. BORJA)
Source: PSWDO Zambonga del Norte