Mipailawom sa 2-Day Skills Enhancement Training ang mga tanod gikan lain-laing Barangay alang sa Barangay Tanods Peace Keeping Action Team, nga gipahigayon didto sa Brgy.Poblacion Godod, Zambonga del Norte.
Ang maong pagbansay gitanyag sa mga personahe sa Godod Municipal Police Station nga nila nila ni Hon. Richie L. Uy- Municipal Mayor sa Godod, Hon. Richard Bicoy- SB Member, Hon. Boy Galliposo- Executive Assistant, ug ni Ret.PCMS Roel Cabales Jakosalem nga nagsilbing Guest Speaker sa maong kalihokan.
Tumong sa maong pagbansay mao ang mapalambo ug masangkapan ang matag Tanod sa kahanas ug kahibalo isip mga force multipliers ug first responder sa ilang kabarangayan.
Atol sa unang adlaw sa sesyon,gipunting sa ilang pagbansay ang pag focus sa batakang mga teknik sa pagposas, mga pamaagi sa pagdakop, ug mga estratehiya sa kaugalingong pagdepensa.
Subay sa maong inisiyatiba pinaagi sa pagpangulo sa Officer-In-Charge, ang matag Barangay nakadawat sa gitanyag nga mga kinahanglanong butang sama sa tulo ka posas, uban sa tulo ka pro-baton ug 17 ka Android phones nga adunay ZELLO app ug tagsa-tagsa ka mga hotline numbers.
Mipaambit usab ug lecture ang mga personahe sa unit pinaagi sa pagpakita sa ilang kahanas sa oryentasyon mahitangod sa Barangay Justice System, Barangay Intelligence Networking ug pag installar sa nasangpit nga ZELLO app.(MEDALYN U. BORJA)
Source: GODOD Municipal Police Station ZNPPO