Tingkagol sa prisohan homan masikop ang usa ka Top 4 Most Wanted Person (City Level)nga nag atubang sa kasong Acts of Lasciviousness atol sa gihimo nga hiniusang operasyon sa mga personahe sa kapulisan mga alas 5:15 ang takna sa kahapunon, niadtong Nobyembre 26,2025 didto sa Barangay Cawa-cawa, Dapitan.
Ang akusado naila nga si alyas “Ener” 28 anyos,Lalaki, ulitawo, mananagat ug residente sa Brgy.Tag-ulo, Dapitan City, Zamboanga del Norte,kinsa gidakop tungod sa kasong Lascivious Conduct in relation to Section 5(B) of RA 7610.
Ang ang pagkasikop sa suspek gihimo pinaagi sa mga operatiba sa Dapitan City Police Station gikan sa Mabuhay Special Boat Crew (SBC) 5th Special Operations Unit (SOU), 901st Maneuver Company RMFB9 ug 1 ZNPMFC pinasikad sa warrant of arrest nga giisyu ni HON FLORENDO BOLANTE OPAY, Presiding District Judge, Family Court,Branch 9, Dapitan City Zamboanga Del Norte nga pinetsahan og Nobyembre 26, 2025 nga naka-docket ubos sa criminal case number 25-147 nga adunay girekomendar nga pyansa nga mobalor sa Php 120,000.00.
Ang dinakpan tukma nga gipahibalo sa hinungdan sa iyang pag-aresto ug gipahibalo sa iyang mga katungod sa konstitusyon sa usa ka diyalekto nga hingpit niyang nasabtan ug anaa na kini karon sa kustodiya sa Dapitan CPS alang sa tukmang disposisyon.(MEDALYN U. BORJA)
Source: Dapitan CPS