DAVAO CITY – Gihatag ni Davao City Mayor Sebastian “Baste” Duterte ang dugang ₱1 milyon nga reward alang sa lig-on nga ebidensya ug testimonya nga makaila sa mamumuno ug mastermind sa pagpatay ni Barangay Captain Oscar “Dodong” Bucol Jr. sa Tres de Mayo, Digos City.
Sumala ni Atty. Israelito Torreon, determinado ang mayor nga matabangan ang pamilya ni Bucol nga makab-ot ang hustisya ug masuta ang tinuod nga nahitabo sa maong krimen.
Padayon gihangyo sa mga otoridad ang publiko nga mohatag og kredibleng impormasyon nga makatabang sa imbestigasyon. Ang mga tips mahimong maprotektahan ug kumpidensyal.
Ang reward gilauman nga makahatag og dugang kusog sa mga imbestigador aron dali nilang masulbad ang kaso ug madala sa hustisya ang mga responsable sa brutal nga pagpatay.(Camille Santos Naraga)(Source: Contributed)