Malampusong gipahigayon sa Department of Science and Technology Region IX – Zamboanga Consortium for Health Research and Development (DOST IX-ZCHRD), ang 2-Day Basic Research Ethics Training (BRET) niadtong Mayo 12–13 ning kasamtangang tuig ning siyudad sa Dipolog.
Ang maong pagbansay-bansay gihimo sa pakigtambayayong sa St. Vincent’s College Incorporated ,diin ang maong kalihokan gisalmotan sa mga partisapante nga gilangkuban sa tunghaan sa St. Vincent’s College Incorporated, St. Joseph College of Sindangan Incorporated, St. Estanislao Kostka College Incorporated, Rizal Memorial Institute sa Dapitan City Incorporated, ug Colegio de San Francisco Javier nga gitambongan usab ni Rev. Fr. Nathanielle A. Denlaoso, kinsa nipadayag og suporta alang sa pagpalig-on sa kahibalo sa pamatasan sa panukiduki taliwala sa mga magtutudlo ug researcher.
Alayon nga mapakita ug mapaambit ang pasalig sa pagpasiugda sa etikal ug responsable nga pamatasan sa panukiduki sa mga institusyong pang-akademiko sa rehiyon.
Sa unang adlaw sa pagbansay ang DOST-IX ARD for Technical Operations Services, si Mr. Ricardo J. Apolinario III ang nahimong resource speaker kinsa naghisgot sa mga sukaranan ug importansya sa research ethics sa pagsiguro sa integridad, accountability, ug proteksyon sa mga partisipante sa panukiduki.
Samtang sa Ikaduhang adlaw sa pagbansay si G. Halid M. Tamano, Nurse IV, ZCMC, ang nahimong resource speaker usab kinsa nipaambit sa bililhong mga panabut sa etikal nga mga pamaagi sa panukiduki ug mga proseso sa pagrepaso.
Si Jun Carlo B. Tangon gikan sa DOST Technology Transfer Process, nipasiugda sa kamahinungdanon sa paghubad sa mga resulta sa panukiduki ngadto sa mga inobasyon ug mga teknolohiya
Ang DOST IX-ZCHRD pinaagi niini nga inisiyatiba nagpadayon sa pagpalig-on sa kultura sa etikal nga panukiduki ug pagpasiugda sa responsableng mga pamaagi sa panukiduki sa panglawas sa Zamboanga Peninsula Region nga usa sa ka pamaagi nga makabenepisyo ang mga komunidad ug industriya.(MEDALYN U. BORJA)
Source: DOST Regional Office