Gitabangan sa 1st Zamboanga del Norte Provincial Mobile Force Company ang usa ka babaye nga niduol alang sa tabang human giingong napasakitan sa iyang bana sa Sitio Panay, Barangay Kauswagan, Osmeña, Zamboanga del Norte.
Sumala sa report, dali nga mitubag ang R-PSB team nga gipangulohan ni PSSg Kim A. Sayon aron maseguro ang kaluwasan sa biktima nga si Jona May Tagantan, ug gi-eskort siya padulong sa balay sa Barangay Captain alang sa proteksyon.
Human niini, gitudlo ug giturn-over ang biktima ngadto sa Sergio Osmeña Municipal Police Station pinaagi kang PSSg Vincent Palomares alang sa dugang aksyon ug hustong pag-atiman sa kaso.
Gipasiugda sa kapulisan nga magpadayon ang ilang dedikasyon sa pagpanalipod sa komunidad, ilabi na sa mga indibidwal nga nanginahanglan og tabang, aron mapalig-on ang kaluwasan ug kalinaw sa lugar.(JENNIFER JR. DELICA)
Source: Zamboanga del Norte 1st Provincial Mobile Force Company