Mipakita og buhat sa pagkamaayo ang 1st Zamboanga del Norte Provincial Mobile Force Company (1st ZNPMFC), ubos sa pagdumala ni PLTCOL Ryan Jay R. Capurcos, Force Commander, pinaagi sa paghatag og sanina isip regalo sa usa ka bata sa Sicayab, Dipolog City.
Ang maong yano nga buhat sa pagpakabana nagpamatuod sa pasalig sa kapulisan nga dili lamang mag-alagad pinaagi sa katungdanan, kondili usab pinaagi sa kasingkasing.
Matud pa sa 1st ZNPMFC, bisan ang gagmay nga buhat sa pagkamaayo adunay dakong epekto sa paghatag og paglaum ug pagpalig-on sa relasyon sa kapulisan ug sa katawhan.
Kini nga inisyatiba nagpadayon isip bahin sa kampanya sa “To Serve and Protect,” nga naghatag og dugang nga kahulugan sa serbisyo publiko pinaagi sa pagpakita og tinuod nga malasakit sa komunidad.(IKEN B. GULLEM)
Source: Zamboanga del Norte 1sr Provincial Mobile Force Company