Aron suportahan ang panginabuhian ug food security sa komunidad sa brgy. Luzvilla, Piñan, Zamboanga del Norte, nagpahigayon og cleaning, feeding ug tilapia harvesting activity ang kapulisan sa Zamboanga del Norte 1st Provincial Mobile Force Company ubos sa pagpangulo ni Force Commander PLTCOL Ryan Jay R. Capurcos, kauban ang R-PSB personnel nga gipangulohan ni John Hilton Baluntang.
Kini nga aktibidad ubos sa “Isdahan ng PAG-asa: 1st PMFC Tilapia Livelihood Initiative,” nga kabahin sa Revitalized Pulis sa Barangay Program.
Tumong sa proyekto paghatag og alternatibong panginabuhian sa mga residente pinaagi sa pag-atiman ug pag-ani sa tilapia, samtang ginapalig-on usab ang suplay sa pagkaon sa komunidad.
Apil usab sa mga gihimong aktibidad ang paglimpyo sa fishpond, pagpakaon sa mga isda ug pag-ani sa tilapia, nga gihimo uban sa partisipasyon sa mga residente sa barangay.
Gilauman sa 1st ZNPMFC nga pinaagi sa padayon nga mga programa sama niini, mapalig-on ang kooperasyon tali sa kapulisan ug komunidad ug mapalambo ang sustainable ug inklusibong kalamboan sa mga barangay sa probinsya.(IKEN B. GULLEM)
Source: Zamboanga del Norte 1st Provincial Office