Misalmot ug mipakita suporta sa Provincial Women’s Month Culmination Activity ang 33 ka presidents sa women’s organizations gikan sa nagkalain-laing barangay sa Gutalac, isip pagpakita sa lig-on nga liderato sa kababayen-an sa komunidad.
Ang delegasyon sa lungsod gipangunahan ni Mayor Eddie Justin T. Quimbo, pinaagi usab sa Gutalac Women’s Federation, kauban si Sangguniang Bayan Member Christine Monique Howa, chairperson sa committee on women.
Sumala sa lokal nga kagamhanan, ang partisipasyon sa 33 ka barangay women’s presidents nagpakita sa kusog nga papel sa kababayen-an sa pagpalambo sa mga programa alang sa komunidad ug sa pagpalig-on sa partisipasyon sa kababayen-an sa lokal nga panggamhanan.
Gipasiugda sa mga opisyal sa Gutalac nga padayon nilang suportahan ang mga programa nga nagpalig-on sa kapasidad ug liderato sa kababayen-an sa barangay, isip kabahin sa paningkamot sa lokal nga kagamhanan sa pagpalambo sa mas inklusibo ug progresibong komunidad.(IKEN B. GULLEM)
Source: LGU GUTALAC-PUBLIC INFORMATION