Gipahigayon ni Lieutenant Colonel Samuel E. Madaging ART (GSC) PA, Commanding Officer sa 1st Field Artillery “Beat ’Em” Battalion, Artillery Regiment, Philippine Army, ang courtesy visit ngadto kang City Vice Mayor Senen O. Angeles sa City Mayor’s Office niadtong Agosto 10, 2026.
Ang maong pagbisita nahimong higayon aron mapalig-on ang koordinasyon ug pagtinabangay tali sa Philippine Army ug sa City Government of Dipolog sa mga kalihokan nga may kalabotan sa kalinaw, seguridad ug serbisyo publiko.
Ang 1st Field Artillery “Beat ’Em” Battalion nakabase sa Kuta Major Cesar L. Sang-an sa Pulacan, Labangan, Zamboanga del Sur.
Pinaagi sa maong koordinasyon, gipalig-on sa duha ka institusyon ang ilang pagtinabangay alang sa pagpalambo sa kalinaw, seguridad ug episyenteng serbisyo ngadto sa katawhan.(JENIFFER JR. DELICA)
Source: Dipolog City Government