Malampusong napahigayon sa mga personahe sa BFP Malintuboan Fire Sub-Station ang ilang 1st Evaluation alang sa Testing of Agility, Grit, Unity, ug Readiness in Operation (TAGURO) Challenge kaniadtong Agosto 15,2026.
Ang ebalwasyon gipahigayon sa mga personahe sa BFP Malintuboan Fire Sub-Station, ubos sa pagpanguna ni FO3 Sherwin Brylle E Gom-os, Acting Sub-Station Commander, ug ubos sa pagdumala ni FINSP JOEL S SABIJON, Acting Municipal Fire Marshal.
Ang kalihokan gihimo aron masusi ang kalig-on sa pisikal nga abilidad (agility), kalig-on sa panghunahuna (grit), pagtinabangay (teamwork), disiplina, ug kaandam sa operasyon sa mga personahe sa pagtubag sa mga emerhensya ug mahagitong mga sitwasyon.
Ang mga personahe nagpadayon sa pagpatuman sa labing taas nga sumbanan sa kaandam ug serbisyo ngadto sa komunidad pinaagi sa kooperasyon, determinasyon, ug dedikasyon sa ilang operasyon.(MEDALYN U. BORJA)
Source: BFP R9 Malintuboan FSS