Gidala ngadto sa Vicente Sotto Memorial Medical Center sa Cebu City ang usa ka critically ill nga pasyente gikan sa Jose Dalman, Zamboanga del Norte alang sa specialized neurosurgical management human maaksidente sa motorsiklo.
Ang pasyente nga adunay GCS nga 13 ug na-intubate na human sa aksidente, gikinahanglang ibalhin gikan sa ACE Medical Center ngadto sa Cebu. Bisan pa sa ilang pagpangandam alang sa ika-18 nga Founding Anniversary sa Zamboanga del Norte Medical Center, gilayon nga mitubag ang ZNMC Medical Team sa panginahanglan sa pasyente.
Pinaagi sa paspas nga assistance ni Governor Darel Uy, napadali ang pagproseso alang sa pagbalhin sa pasyente ngadto sa Cebu aron makadawat sa gikinahanglang specialized medical care.
Mitabang sa maong emergency transfer si Medical Team Nurse Kaime Ordiz ug Ambulance Driver Clyde Giangan ubos sa paggiya ni Medical Team Head Herdina Gallegos, nga mipakita sa ilang padayong dedikasyon sa paghatag og serbisyo bisan gawas sa ilang naandan nga katungdanan.(JENIFFER JR. DELICA)
Source: Zamboanga del Norte Medical Team