Gilunsad sa Zamboanga del Norte Police Provincial Office ang Linabo Peak Challenge 2026, usa ka 17-kilometer nga charity run nga pagahimoon sa Mayo 17, 2026 sa Dipolog City.
Sumala sa mga tig-organisa, ang kalihokan dili lang pagsulay sa kusog ug endurance kondili usa usab ka “run for a cause” diin ang malikom nga pondo ipahinungod sa mga estudyante sa Linabo Elementary School ug sa medikal nga panginahanglan sa mga pulis nga adunay seryosong sakit.
Ang ruta adunay 17 kilometro nga distansya lakip ang 620-meter elevation gain ug ang iladong 3,003 ka hagdanan paingon sa tumoy sa Linabo Peak, nga maoy usa sa pinakapopular nga destinasyon sa mga fitness enthusiasts sa probinsya.
Giawhag sa ZNPPO ang publiko nga moapil o mosuporta sa kalihokan, samtang ang registration bukas hangtod Abril 30, 2026 ug limitado ra ang slots alang sa mga partisipante.(JENNIFER JR. DELICA)
Source: Zamboanga del Norte Provincial News Network