Daling girespondehan sa Bureau of Fire Protection Dipolog City ang sunog nga miigo sa Ford area sa Barangay Galas niadtong Abril 16, 2026 ubos sa pagpanguna ni FSINSP Aprilyn B. Barbaso, Acting City Fire Marshal.
Sa paspas ug koordinadong aksyon sa mga bombero, napugngan dayon ang kalayo ug naprotektahan ang mga duol nga kabalayan aron malikayan ang mas dakong kadaot.
Walay gi-report nga grabeng insidente sa mga residente samtang padayon ang pagbantay sa lugar aron masiguro nga dili na mosilaob pag-usab ang kalayo.
Gipahimangnoan sa BFP ang publiko nga magpabiling alerto ug mosunod sa fire safety measures, ug dayong magreport sa bisan unsang sunog aron malikayan ang kadaot ug pagkawala sa kinabuhi. (JENNIFER JR. DELICA)
Source: BFP R9 Dipolog City Fire Station