SINDANGAN — Gipasidunggan ang Sindangan Central Fire Station uban sa Siari Fire Sub-Station og duha ka “Medalya ng Papuri” isip Most Outstanding Implementor sa tibuok BFP Region IX atol sa Fire Prevention Month 2026.
Nakab-ot ang maong dungog tungod sa epektibong implementasyon sa mga programa lakip ang “Flames of Unity” ug “Mobile Kitchen” nga nagtumong sa pagpalig-on sa panaghiusa sa pamilya ug paghatag og tabang sa komunidad.
Sumala sa BFP, ang kalampusan resulta sa lig-on nga teamwork ug aktibong partisipasyon sa mga personnel sa pagpalambo sa fire safety awareness ug pagresponde sa panginahanglan sa katawhan.
Ang maong pag-ila nagdasig sa estasyon nga ipadayon ang kalidad nga serbisyo ug mas palig-onon pa ang mga programa alang sa kaluwasan ug kaayohan sa komunidad.(JENNIFER JR. DELICA)
Source: BFP R9 Sindangan Municipal Fire Station V2