Midawat og ₱8,280 matag usa ang 150 ka benepisyaryo sa Project Local Adaptation to Water Access (LAWA) ug Breaking Insufficiency through Nutritious Harvest for the Impoverished (BINHI) human malampusong nahuman ang 20 ka adlaw nga Cash-for-Work ug Training Program.
Gihatag ang cash assistance isip pag-ila sa ilang aktibong partisipasyon sa mga kalihokan nga nagtumong sa pagpalig-on sa food security, malungtarong panginabuhian, ug pagpataas sa kahandam sa mga komunidad batok sa epekto sa pagbag-o sa klima.
Gitambongan ang payout sa mga opisyal sa Department of Social Welfare and Development (DSWD) Field Office IX nga gipangulohan ni Division Chief Myla P. Villaverde, uban sa Local Government Unit sa Leon B. Postigo, Municipal Social Welfare and Development Office, Municipal Agriculture Office, ug Office of the Provincial Agriculturist.
Sumala sa DSWD, kabahin ang Project LAWA at BINHI sa padayon nga paningkamot sa gobyerno aron mapalig-on ang kapasidad sa mga komunidad pinaagi sa mga programa sa sustainable agriculture, panginabuhian, ug dugayng kalamboan.(IKEN B. GULLEM)
Source: FO IX- Project LAWA at BINHI