Ming graduate sa Alternative Learning System (ALS) ang lima ka Persons Deprived of Liberty (PDLs), samtang napulo pa ang malampusong nakakompleto sa lebel sa Junior High School atol sa graduation ceremony nga gipahigayon sa Liloy District Jail.
Ang maong kalampusan nagtimaan sa laing dakong lakang sa paghatag og ikaduhang higayon sa mga PDL pinaagi sa edukasyon, aron maandam sila sa mas maayong kaugmaon ug mas produktibong kinabuhi human sa ilang pagkabinilanggo.
Gitambongan ang seremonya sa mga opisyal sa Department of Education ug mga bisita nga nagpahayag og suporta ug pagdasig sa mga graduates ug completers nga ipadayon ang ilang pagkat-on ug pagbag-o sa ilang kinabuhi.
Matud sa mga tigpatuman sa programa, ang ALS nagpabiling usa ka mahinungdanong instrumento sa paghatag og paglaom ug oportunidad sa mga PDL, nga nagpakita nga ang edukasyon mahimong yawe sa pagbangon ug pagsugod pag-usab bisan pa sa ilang kahimtang.(JENIFFER JR. DELICA)
Source: Liloy District Jail- BJMPR9