Aron mapalig-on ang mga programa sa technical-vocational education ug skills development sa siyudad, mibisita si TESDA Acting Executive Director Emely Q. Tesoro, uban ni TESDA Zamboanga Peninsula Acting Regional Director Engr. Alan T. Bacatan ug TESDA Zamboanga del Norte Provincial Director Engr. Adrian B. Ampong, kang City Mayor Roberto Y. Uy niadtong Hunyo 29.
Gitambongan usab sa miting sila City Human Resource Management Officer Flora V. Atamosa ug City Agriculturist Engr. Kerr N. Porlas.
Gihisgutan sa mga opisyal ang pagpalig-on sa technical-vocational education and training (TVET) initiatives aron mas daghang Dipolognon ang makabaton og industriya-angay nga kahanas, mapalapad ang oportunidad sa trabaho, ug masuportahan ang padayon nga pagtubo sa lokal nga ekonomiya.
Kabahin ang maong courtesy visit sa paningkamot sa TESDA ug sa City Government of Dipolog sa pagpalambo sa workforce development pinaagi sa mas lig-on nga kolaborasyon.(IKEN B. GULLEM)
Source: Dipolog City Government