Dili mapriso matud pa sa kapulisan ang usa ka Grade 8 nga studyante human kini nangluba og Gr 2 pupil didto sa Andres Bonifacio College ning dakbayan sa Dipolog niadtong Marso 18, mga alas 12 sa kaudtohon.
Sigon pa ni PltCol. Khisna Asaali, hepe sa Dipolog City Police Station, wala silay mabuhat tungod ang suspek usa ka menor de edad og wala kini criminal og civil liability.
Ang 8 anyos nga biktimang babaye nga lumulupyo sa parehong barangay sa suspek didto sa Brgy. Sicayab, nakaangkon og lalom nga samad sa iyang tiyan og abaga human kini malubaan gamit ang kitchen knife. Dali usab kining gidala sa pinaka duol nga balay tambalanan.
Ang motibo sa pagpangluba base sa inisiyal nga imbistigsyon matud pa sa salaysay sa suspek, trip trip lang daw.
Samtang mihangyo ang amahan sa biktima nga usa ka sundalo nga ipa drug test ang maong suspek.
Sa pagka karun anaa na sa kustodiya sa kapulisan ang 14 anyos nga suspek og padayun ang imbistigasyon sa Dipolog Police Station arun masuta ang tinuod nga motibo sa pagpangluba.(JENIFFER JR. DELICA)