Gipahigayon ang routinary ocular inspection sa ginatukod nga New Central Public Market sa Dipolog City niadtong Marso 19 aron masubay ang progreso sa proyekto ug masiguro ang kalidad sa konstruksyon.
Gipangunahan ang inspeksyon ni City Planning and Development Coordinator Engr. Albert S. Alimpulos kauban si kanhi city councilor Maynard R. Baes, City Information Officer Lorenzo A. Aseniero II, ug mga personahe sa City Planning and Development Office.
Kabahin ang maong kalihokan sa padayon nga pagmonitor sa lokal nga panggamhanan sa mga dagkong proyekto sa imprastraktura aron masiguro ang hapsay nga implementasyon niini.
Gilauman sa syudad nga mapadali ang pagkompleto sa bag-ong merkado aron mapahimuslan dayon sa mga negosyante ug residente.(JENIFFER JR. DELICA)
Source: Dipolog City Government