Gihatod mismo ni Mayor Dra. Ruth M. Brillantes ang dose ka bangko ngadto sa Salug District Jail niadtong Abril 30, 2026, nga hinatag pinaagi kang Cong. Ian Amatong uban sa paningkamot ni BM Jr. Brillantes.
Gipahigayon ang maong donasyon aron mapalambo ang kahimtang sulod sa pasilidad ug matabangan ang panginahanglan sa mga anaa sa kustodiya.
Dugang pa, personal usab nga gikamusta sa mayor ang kahimtang sa mga detainee aron masiguro ang ilang kaayohan ug mapaminaw ang ilang mga panginahanglan.
Sumala sa lokal nga panggamhanan, ang maong inisyatibo nagpakita sa padayon nga paningkamot sa paghatag og serbisyo nga walay pili alang sa kaayohan sa tanang katawhan.(JENIFFER JR. DELICA)
Source: Municipality of SALUG