Gipahigayon sa Dipolog City kagahapon, Nobyembre 10, 2025 ang chest preoperative clearance alang sa napulo ka malampusong kandidato sa operasyon karong buwana.
Ang maong kalihokan posible tungod sa padayon nga suporta ug kalooy ni Gobernador Darel Dexter T. Uy, nga nagpaningkamot nga matabangan ang mga pasyente nga nagkinahanglan og operasyon.
Ang inisyatibo nagpakita sa tinuoray nga pagtinabangay tali sa mga doktor, nurses, ug medical staff nga mapainubsanon nga nag-alagad aron mapadali ang proseso ug masiguro ang kaluwasan sa mga pasyente.
Daku ang pasalamat sa tanan nga nagtinabangay niini nga programa nga nagpadayag sa gugma ug serbisyo para sa katawhan isip usa ka tinud-anay nga buhat sa paglaum ug pag-ayo alang sa tibuok komunidad.(JENIFFER JR. DELICA)
Source: Zamboanga del Norte Medical Team