Wala na maka ipsot sa mga kamot sa mga tinugyanan sa balaod homan masikop atol sa gikasa nga Law enforcement operation ang usa ka suspek homan makumpiskahan sa gidudahang dili dokumentado nga sigarilyo sa usa ka sari-sari store didto sa Gutalac, Zambonga del Norte, Nobyembre 10,2025.
Ang maong indibidwal malampusong nakumpiskahan sa kapulisan ug muabot sa 29 ka ream ka mga smuggled nga sigarilyo nga adunay gibanabana nga market value nga mobalor sa P 33,234.00 base sa Bureau of Customs standard pricing, nga hingpit nga nakalapas sa Graphic Health Warning Law.
Ang pagka kumpiska sa kontrabando nga mga sigarilyo gihimo pinaagi sa mga personahe sa Gutalac MPS nga mao ang ni-intercept ug midakop sa nasangpit nga indibidwal sa akto nga nag-distribute ug namaligya og mga gidudahang smuggled nga sigarilyo.
Kining malampuson nga operasyon nagpasiugda sa pasalig sa pagpatuman sa balaod sa paghupot sa mga sad-an nga tulubagon ug pagsiguro sa kaluwasan sa komunidad.(MEDALYN U. BORJA)
Source: Gutalac Municipal Police Station Znppo