Giaprubahan na ang Security and Sustainment Plan (SPOUSE PLAN) sa probinsya sa Zamboanga del Norte atul sa 1st Quarter Provincial Task Force to End Local Communist Armed Conflict (PTF-ELCAC) ug 2nd Quarter Joint Provincial Peace and Order Council (PPOC) Provincial Anti-Drug Abuse Council (PADAC) and Provincial Development Council (PDC) Meeting nga gitambungan ug gipanguluhan ni Governor Rosalina βNanay Neneβ Jalosjos, Abril 3 nga gipahigayon sulod sa Plenary Hall, Zamboanga del Norte Convention and Exhibition Center ning dakbayan sa Dipolog.
Si Engr. Carl Mira sa Provincial Planning and Development Office (PPDO) ang mi-presentar sa maong Security, Peace and Order, Unity and Stability Efforts o SPOUSE Plan sa maong konseho ug nagkanayon nga kini nagtinguha sa pagpadayon sa atong mga kadaugan batok sa insurhensya, pagpalig-on sa pagpatuman sa balaod, pagpasiugda sa panaghiusa ug pagpasig-uli, pag-atubang sa mga isyung pang-ekonomiya nga naghatag ug hinungdan sa insurhensya, pagpangandam sa komunidad aron mahimong lig-on batok sa kalamidad, pagpalambo sa territorial defense ug pagpasiugda sa imahe sa usa ka malinawon nga Zamboanga Peninsula aron makadani ug mga turista ug mamumuhunan.
Kahibaloan nga adunay Executive Order Number 70 ang gi-issue ni Kanhi Presidente Rodrigo Duterte unya namugna ang NTF-ELCAC ang whole-of-nation approach ang pag-institusyonal. Ingon man kini nagtumong aron sa mapayhag ang lokal nga komunista ug terorstang grupo ug makab-ot ang malungtaron ug inklusibing kalinaw. Nasayran usab nga kaniadtong Desyembre 5 sa miaging tuig gideklarar ang Zamboanga Peninsula isip usa na ka Insurgency-Free. Ang SPOUSE Plan adunay pundo nga gigahin sa kagamhanang probinsyal pinaagi sa Peace and Order and Public Safety (POPS) Program sa kantidad nga Php715,063,053.00.
Niini, adunay ipahimutang nga Peace and Development Center dinhi sa kapitolyo niining tuiga. Laing proyekto usab ang ipatuman unya ilawum sa SPOUSE Plan mao ang proyektong imprastraktura nga ipatuman pinaagi sa Office of the Presidential Adviser on Peace, Reconciliation and Unity ilawum sa PAyapa at MAsaganang PamayaNAn (PAMANA) Program sa kantidad nga Php178,800,000.00.(Angelica T. Obina)
Source :PROV. INFORMATION CENTER(PIC) ZAMBOANGA DEL NORTE -Sheng Jumalon Bala