Usa ka malampusong operasyon ang miresulta sa pagkakumpiska ug pagkasikop sa usa ka mag-uuma nga ilegal nga nanag-iya ug armas nga hinungdan sa iyang pagkasikop pinaagi sa law enforcement team, didto sa Purok 3, Sitio Lowao, Barangay Sarawagan, Godod, Zamboanga del Norte, mga alas 6 sa kabuntagon, Hulyo 31,2025.
Ang dinakpan naila nga si alyas “Ron”, 31 anyos, mag-uuma ug residente sa nasangpit nga lugar kinsa gisikop tungod sa paglapas sa Republic Act 10591 (illegal possession of firearms and ammunition).
Nakuha gikan kaniya ang usa ka Colt MKIV 45-caliber pistol, lima ka buhing 45-caliber round, ug usa ka itom nga sling bag.
Ang suspek hidala gilayon sa Godod Municipal Police Station, samtang ang mga nakumpiska nga mga butang gipadala ngadto sa Liloy Satellite Forensic Unit alang sa ballistics examination.(Medalyn U. Borja)
Source: ZNPPO