CAGAYAN DE ORO CITY- Giawhag ni DILG-10 Regional Director Arnel Agabe ngadto sa tanang local government chief executives sa Northern Mindanao sa pag-extend sa deklarasyon sa community quarantines aron sa pagpadayon sa pagpakigbisog batok sa coronavirus disease (Covid-19), kini tapos gianunsyo karon ni Cabinet Secretary Karlo Nograles nga gilugwayan na ni President Rodrigo Duterte ang enhanced community quarantine sa Metro Manila ug uban pang bahin sa Luzon hangtud Abril 30 ning tuiga.
Dugtong niini gidasig usab ni Dir. Agabe ang mga local governments pinaagi sa legislative councils sa pagpadali sa pagpasar sa ordinansa nga himuong mandatory ang pagsuot sa mask ug ang pagmulta sa pagdiscrimenate batok sa mga health care providers, ingon man kadtong mga tawo nga gipaubos sa monitoring ug investigation.
Sa pikas bahin, si Regional Health Director Adriano Subaan, miila nga ang pagkunhod sa trend sa mga tawong adunay giingong kaso sa Covid-19 virus ang gipatumang enhanced community quarantine sa National Capital Region ug sa uban pang gahin sa Luzon
