Cagayan de Oro CIty – Ang local government sa syudad sa Cagayan de Oro nagsugod na niining semana a digitized contract tracing system alang sa coronavirus disease (COVID-19) pinaagi sa Higala App”, usa ka Quick Response (QR)- based information, database system. Sumala pa ni Acting City Administrator Teodoro Sabuga-a nga samtang walay ordinansa nga nagmando sa pagtuman niini, ang publiko giawhag sa pagrehistro ngadto sa QR system aron pagtabang sa syudad sa paghatag sa timely intervention labot sa COVID-19 cases.
Gipasabot ni Sabugaa nga ang kooperasyon kinahanglan magsugod diha sa mga barangay officials, kinsa giawhag sa lokal nga kagamhanan sa miaging semana sa pagdisseminate sa impormasyon labot na sa web-based contract tracing system ug pag-una sa pagparehistro sa ilang mga constituents ngadto na sa Higala App. Matud niya, gikatakda si City Councilor, Dr. Lourdes Gaane nga moumol sa usa ka ordinansa nga nagmando sa paggamit sa Higala App sa tanang public ug commercial transactions sud sa syudad.
Tungod kay dili tanang residente ang adunay smartphones o computer, ang City Hall nagpahimutang sa help desks aron matabangan ang katawhan pagregister ug pagprint sa mga QR codes.
Gipasalig sa pikas bahin ni Sabugaa nga ang tanang inpormasyon nga masulod sa pagproceso sa QR codes walay angay kabalak-an diin ang City Health Office’s Health Emergency Management Staff lamang ang adunay access sa maong data.
(City Information Office – CdeO)