DFA nagpahayag ng pagkundena sa nangyaring suicide attack sa Afganistan

Kinondena ng DFA o Department of Foreign Affairs ang panibagong insidente ng suicide attack sa Kabul, Afghanistan na ikinasawi ng 48 estudyante.

Sa kanilang ipinalabas na pahayag, sinabi ng DFA na nakikiisa ang Pilipinas sa International community sa panawagang respetuhin ang huminatarian principle.

Gayundin sa pagtitiyak sa kaligtasan at proteksyon ng mga sibilyan.

Kasabay nito nagpaabot na rin ng pakikiramay ang DFA sa mga naulilang pamilya ng mga nasawi sa pagpapasabog.

Noong Miyerkules, tinarget ng suicide bomber ang isang private education center sa Kabul kung saan ilang mga high school students ang naghahanda para sa entrance exam.