Ipinagsasa-Diyos na sana ni Vice Governor Imelda Papin kung ano an magiging kapalaran niya sa politika, kung siya itutugot na maging kandidato sa pagka-Gobernador asin paladon na maggana, ini sarung destiny sa saiyang buluyada pulitikal.
Sa naging pakikipag-ulay ki Vice Governor Imelda Papin, sinabi kaini na nauugma siya na may mga manlain-lain na sektor an nagbubusol asin nagsusuporta sa saiya na dumalagan sa kargong Gobernador kan Camarines Sur sa 2022 National and Local Election.
Alagad simbag kan Vise Gobernador, amay pa para urulayan ang politika asin ang dapat na tutukan muna iyo ang mga kahimanwa na sobrang naapektuhan kan nagdadanay na pandemya.
Sinabi pa kaini na sibut man siya sa pag-utob bilang pamayu kan Sangguniang Panlalawigan.
Sa ngunyan nag-uunoy-unoy na maglibot si Vice Governor Imelda Papin sa burubanwaan tangaring magduhol nin ayuda sa mga taga-Camarines Sur o kaya man kung siya sibut na maray, an saiyang mga kabuhan iyo an minadara kan mga ayuda.
Matatandaan na inut ng prinurbaran ni Papin na maglaban sa pagka-Gobernador alagad dai pa ini pinalad na makua ang trayumpo. (Melvin F. Barayoga, RPN DZKI Iriga OIC)
(Source: Provincial Office of Camarines Sur- Office of the Vice Governor)