Gikatakdang mudawat og dugang pondo nga 77 million pesos ang Department of Education, General Santos human giaprubahan sa Local School Board sa syudad alang sa pag-imprenta sa mga modules alang sa 2nd Grading.
Sa pamahayag ni DepEd GenSan assistant Schools Division Superintendent Mario Bermudez nga ang maong 77 million parte lamang sa 141 million pesos nga pondong naaprubahan sa LSB.
Lakip sa gipondohan sa LSB ang pagpalit og 1000 ka mga laptop nga nagbalor og 27.5 million, mga resu machine nga mukabat sa 10 million, pondo alang sa kuminikasyon 17 5 million, pagpalit og mga radyo og mga flashdrive alang sa radio-based instruction nga 5 million og ang 77 million nga alang sa pagprinta sa mga modules nga ipang-apod-apod sa mga estudyante. (Leo Martin Cellan)