El mga personajes del Departamento de Medio Ambiente y Recursos Naturales, o DENR, exitosamente ya debolbe un agila na su habitat natural na provincia del Zamboanga del Norte.
Asegun con el DENR-Zamboanga Peninsula del Viernes, con el agila, nombrao como el Philippine Serpent Eagle, ya larga del otro semana na Cogon Eco-Tourism Park, ciudad de Dipolog, Zamboanga del Norte.
Asegun con el DENR, con el agila ya encontra na un bodega na Barangay Minaog, ciudad de Dipolog, el un empleyado, quien ya entrega con el pajaro na Oficina Provincial de Medio Ambiente y Recursos Naturales del Zamboanga del Norte.
Asegun con el DENR, con el pajaro ya lleva na para Oficina del Veterinario del Ciudad de Dipolog donde ya evalua con el agila como na buen salud.
Despues que ya asegura cay el agila na buen condicion para larga, el mga personajes del DENR enseguidas ya facilita el debolbida del pajaro para na su habitat natural con el suporta del mga personajes del Cogon Eco-Tourism Park.
El Oficina Provincial de Medio Ambiente y Recursos Natural na Zamboanga del Norte ya expresa gratitud con el vigilante residente quien ya actua responsablemente y tambien con el mga dedicao profesionales, quien ya asegura el librao birada del agila na monte. (B. Garcia)