Nagkahiusa sa usa ka mahinungdanong kalihokan ang buhatan sa Provincial Environment and Natural Resources Office (PENRO) Zamboanga del Norte kauban ang CENRO Manukan, Personal Collection- Dipolog Branch ug Central Barangay, ning dakbayan sa Dipolog sa usa ka coastal clean-up drive didto sa Dipolog City Sunset Boulevard niadtong Mayo 21, 2024.
Kini nagtipik sa “Green Life, Great Life” Campaign,usa ka inisyatibo nga nahisubay sa nagpasiugda alang sa malungtarong pagkinabuhi ug long-term nga pasalig sa kinaiyahan ug sa mga komunidad, diin 27 ka mga seller ug empleyado sa PC ang nagkahiusa sayo sa buntag nga adunay mga gwantis, mga bag sa basura, ug usa ka gipaambit nga pasalig para sa maong aktibidad.
Ang PC nag-adapt sa turtle sanctuary ug sa pagkakaron nakig-coordinate sa paghimo og mas hayag nga kaugmaon pinaagi sa paghimo sa atong mga suba nga luwas ug limpyo lakip sa maong aktibidad ang mga personahe gikan sa PENRO ZDN ug CENRO Manukan, uban sa mga boluntaryo gikan sa barangay, nakakolekta og gibana-bana nga 55.2 ka kilo nga basura, nga gilangkuban sa non-biodegradable ug biodegradable nga basura.
Ang inisyatibo sa Personal Collection nga “A Green Life is A Great Life” nagsugod sukad sa 2020, nagpahigayon og serye sa mga inisyatibo sa kinaiyahan nga mikabat na sa kapin sa usa ka gatos nga mga kalihokan sa tibuok nasud.
Dugang pa, gipasiugda usab ni Forester Cata-al ang kamahinungdanon sa nasangpit nga pagpanglimpyo sanglit ang maong lugar giila nga usa sa mga nesting site sa Pawikan sa ikaduhang distrito sa Zamboanga del Norte.
Ang Personal Collection maoy usa sa pinakadakong lokal nga negosyo sa Pilipinas nga nalambigit sa direct selling ug dedikado sa pagbag-o sa kinabuhi sa minilyon ka mga Pilipino pinaagi sa paghatag kanila og dekalidad nga mga produkto ug malungtarong panginabuhian usa ka dili matarug nga dedikasyon sa pagpreserba ug pagpanalipod sa kinaiyahan, diin giila kini sa DENR tungod sa ilang aktibo nga suporta ug pag-apil sa pagpasiugda sa pagpanalipod ug pagpadayon sa kinaiyahan.
Si Forester II sa CENRO Manukan, Ferolito T. Cata-al, nipadayag sa iyang pasalamat sa PC sa pag-amuma ug pagpreserbar sa kinaiyahan pinaagi sa ilang kampanya ug pinaagi sa mga nahipos nga mga materyales gihan-ay alang sa hustong paglabay sa waste management team sa dakbayan usa ka pamaagi sa pagpreserba ug pagpanalipod sa kinaiyahan. (Medalyn U. Borja)
(Source: DENR ZamPen)